|
بلاقا گؤره
اوردا بير يول وار اوزاقلاردا، او يول بيزيم يولوموز
دونمسكده وارماساقدا، او يول بيزيم يولوموز ...... دوشونجه لرينيزي منيمله پايلاشماقدان غورور دويورام bizimyol1324@gmail.com یولداش لار سورغو سایغاج 
بيزيم يول آزربايجان وطن كلمه سينه حسرتده قالان آنا وطندير.. یکشنبه 31 اردیبهشت 1391 :: نويسنده : bizimyol
منيم تكجه دوستومسون بو آن هر شييم اولدون بو آن سندن اويرنديم دوزومو سندن اويرنديم سسيزجه باغيرماغي سن نلر چكميشسن نلر سن نلر دويموشسان نلر سن نلر گورموشسن نلر ديشيك ديشيك حاجيلار آلچاق اوجا، كوك آريق قورخاقجا باغيرتيلار شيلله تپيك، يوموروغلار ياز ..ياز ..ديه چاغيرتيلار سن نلر گوردون نلر دويدون نلر.. هانگي بير قوجا آتايا شيلله آتمالار هانگي بير ياشلي آنايا حورمت سيز ليكلر هانگي ايگيدي آل قانينا بوياتمالار سني آزاد ائده جيم هم سني همده كي سنده ساخلانان ايگيتلري هم سني همده كي آنامدان قالان ديلي هم سني همده كي آنام وطني سني آزاد ائده جيم سني بلكه ييخيب يئنيدن تيكه جيم سنده بلكي يئنيدن ياشاداجاغام اومودو هم سنده همده كي آنام وطنده بلكي سنين يئرينه تيكه جيم بير ساراي اوندا گزسين بير
ماوي گوزلو چيجك كي آلقيشلار آراسيندا ساري گلين رقصين ايفاده ائتسين يوخ ...يوخ.. سنده تيكه جيم بير اوشاقلار باغچاسي كي اوندا كورپه لر اوخوسونلار مارشي الرينده كي قلملرله گاهدان قيديقلاسينلار سني_______(دوارلارين
قلمينن يازماق) بم بياضليغدان چيغارتسنلار سني بلكي سنده چيزسينلر بير آي بلكي اونا قشسونلار بير اولدوز سني اگر قيديقلاسا بير كورپه نين قلمي ائله گولكو قوي توكولسون سسيزليكلر گول.. قوي ديسكينسين قورخولار اوزولسون دوشمانلار، سئوينسين دوستلار بلكيده سندن بير اوتاق چكه جيم اوراني اومود اوتاغي ائده جيم بير بي گلينين ايك گوروش اوتاغي______(هيجله اوتاغي) ايلك دفعه دويغولارين بيرليكده پايلاشين اوتاغي اونلارين تكجه سيرداشي ائده جيم سني بلكي دويدوغلاريندان اوتاناسان بلكي قيزارا توم بياضليغين او آن آچيلا اورگينده كي توتقونلوق قونا دوداقلارينا اوركده ن بير گولوش آه.......آه..........گئنده آه... سني اوزومه توتوب دانيشيرام سنه بلكي هئچ دويمورسان مني گورمورسن مني اما وارليغين منه اومود دوغوشودور اوتاغيم سني بوگون اوزومه يولداش ، ديلداش، سيرداش بيليرم سني يامان اوزلويورم اوزلويورم او آنكي گئديرم او كدرلي سورقو اوتاغينا_____(گوندوزلر
سورقولانماغا آپاريلان كيچيك و قارا اوتاقلار) تكجه بكلنتيم او آن سني يئنيدن گورمكدير سني گورمگه گونلري يوخ!.. سني گورمگه ساعاتلاري يوخ!.. سني گورمگه آنلاري ساييرام سن منيم بوگون تكجه اوتاغيم يوخ!.. منيم آنام آتام ،سئوگيليم،بلكيده وطنيم اولدون دوارينداكي يازيلان آدلار يازيلان تاريخلر قويولان ايمضالار______(او ايزلر كي
گئچميشده كي مبحوسلار دووارلارا بوراخيبلار) گونده مين دفعه باغيرير بئينيمده سن گوجلوسن سن باشاراجاقسان دييه سن منيم يولومون يولجولارينين سيرداشي سن منيم سنگر داشلاريما سنگر داشي سني آزاد ائده جيم هم سني همده كي آنام وطني.. بيزيم يول 10/12/90  گؤنده ر
بؤلوم : شئر |
||
باغلانتی لار
سون یازیلار
آرشیو
|
||