|
بلاقا گؤره
اوردا بير يول وار اوزاقلاردا، او يول بيزيم يولوموز
دونمسكده وارماساقدا، او يول بيزيم يولوموز ...... دوشونجه لرينيزي منيمله پايلاشماقدان غورور دويورام bizimyol1324@gmail.com یولداش لار سورغو سایغاج 
بيزيم يول آزربايجان وطن كلمه سينه حسرتده قالان آنا وطندير.. پنجشنبه 28 اردیبهشت 1391 :: نويسنده : bizimyol
كيمسه گلمير فريادينا ساعاتلار كچير اولور گجه تام ايوم هاواسيندا ائشيدير ياخيندان بير لاي لاي سسي _لاي لاي بالام لاي لاي گوزل آرتيميام لاي لاي آنا سي كفن گئيديرير بياز گلين دونلوغوندا سوسوز قالان بالام لاي لاي.. دغرودور من سويام اوزم سو ايچينده چوخ سوسوزام او قدر سوسوز قويولموشام پاتلايبدير دوداقلاريم هاراي چكير گوزل گلين ياغروما رحم ائدين باري منه سويو باغلاسازدا مني سوسوز بوراخسازدا آماندير كورپه مي(آرتيميا) سوسوز بوراخماين آي آداملار اوچو دوروبدور باشيندا الين ويرير ديزلرينه قاه فاهاسي آجي وئرير گوزل جيران كورپه سينه(آرتيميا) آرتيميا سوسوز قاليپ اوچو اونا اوخون ساچيب ديلين تيكيبدير دوزلاقا بوغازيندان كه لف(بير جور ايپ) ساليب آهاي كندين ايگيتلري كيمسه يوخكو گوجو چاتسين؟ بو اوچونون آرخاسيني يئره چاپسين؟ الين آتيب او كه لفين دويونون آچسين؟ آرتيميا گوزليني آزادليغينا بير بوراخسين؟ يوخمو منيم درديمه بيريسي يانسين؟ آهاي شهر آداملاري سيزده نئجه؟ ايگيتلرين قوچاق لاري سيزده نئجه؟ ستارخانين نوه لري سيزده نئجه؟ اولميا سيزيده اوچو، توتوبدور گيرووا اولميا تيكيبدير ديلينيزي بير اوخونا بلكه ساچيبدير كسرين(پيچاق) غيرتي اولان داماريزا؟ سن اوي گوزل كورپم منيم كيمسه اوياق ديل هله بلكه گورور گوزلري آما اوياق ديل هله باشيوي قوي قوينوما كورپه آرتيميام منيم سنه يانان من(اورمو گولو) اولموشام، منه يانان دا سن(آرتيميا) اول باري داها سس سالماياق ساقين كندين مورگولو آداملاري راحات راحات اويا بيلسين شهر آداملارينادا بير اورنك اولا بيلسين
بيزيم –يول 6/8/90
 گؤنده ر
بؤلوم : شئر |
||
باغلانتی لار
سون یازیلار
آرشیو
|
||